--------------------------------------------------------------------------------
الـتكملـه
أحمد : خلصتـي ؟
ناظرتـه بصدمـه .. هــذا إلى هنا لاحقنــــــا !! .. شيبـــي .. شيبــــي .. كل هذي جرأه !! .. كل هذا وقـاحه .. هالأشكـال تجي بيت الله ؟ .. وقفت وهي تحاول تمسـك أعصابها .. ناظرتـه بـ لا مُبالاه و برود ..
سحر : تدّعي عليك ؟ .. ايه خلصت ..
ابتسـم لها : أفـا .. أفــا يـا ....
قطعتـه سحر و قالت بنبره حازمـه : شـوف .. كلمـه زيـاده و أخليـك فلس ما تسـوى .. وراك رجال الهيئه .. بس أنادي واحد منهم وأخليه يعرّفـك على قدرك .. وخـر عني بالطيب أحسن لك ..
أحمد : أناديهم معاج ؟
لفّـت تبي تمشـي .. تنفّـذ وعيـدها .. شـافت ناس يتمشـون .. هــذا هــو .. مثـل هيئـه الجسـم .. نادت بصـوت عالي " مشعـــــــــــــل " ..
ألتـف لـ مصـدر الصــوت .. يدوّر .. عرفهـا من خلال شنطتها البنيـه اللي بإيـدها .. أتجـه ناحيتهـم و معـاه راشـد و فيصل و يوسف اللي كانـوا بقربـه .. شكلّهـم بأطـوالهـم و عرضهـم يهـــز .. ما عـدا فيصل اللي ضايع بينهم .. ابتسمـت بإنتصـار ..
فصـخ نظارتـه وناظره باستخفاف : خير أبوي ؟ .. ناسي لك شي ؟
أحمد : ايه .. ناسي لي قمـر هنا .. قلت أكحّـل عيني بشوفتها
سحر : عمـــــى بعينــك
راشد تنهّـد : هذا اللي بدفنه اليوم
فيصل : حرام على هالأشكال تندفن هنا .. أصبر خل نمر لنا على بـار وهناك نتصرف .. وعلى طريقنا نشـرب لنا شـوي ههههههههه هههه ههه ههه هه ه .. [ ناظر أشكالهم وعيونهم المنتقمه ] أمـزح !
يوسف كان قابض على ايد مشعـل اللي كانت راح تنرفـع .. خايف يسـوي فيه شي .. وهم بـ بيت الله .. ناظرت سحر شكله المعصب .. يضغـط على اسنـانه بقهـر ..
مشعل : ساكت عنـك مو لحسنـك .. بس لأني بهالمكان .. خلنـي ألقـاك بمكان غيـره .. والله لـ ...
سحر : والكاظمين الغيظ .. والكاظمين الغيظ .. خلّـه عنك
سحبـت سحر ايد راشـد عشـان يمشـون ومسك معاه ايد مشعل و مشـوا عنـه .. أشـر لهم يوسف عشـان يوخرون عنهـم .. ظلّـوا سحر ومشعل يمشـون بروحهـم .. لما شافهم مشـوا ألتـف لها وقال وحواجبه معقّده
مشعل : و أنتي ليش تتمشين بروحج ؟ .. القبيله اللي معاج وينهم ؟ ..
ناظرته مو عارفه ترد قالت بهبل : ليش ؟
ناظرها يتفحصها .. تسأل ليش ؟؟ .. وقت إستهبال ؟ : وتقـولي ليـش بعــد !! .. [ نـزّل راسه .. يناظرها بطرف عينه و راسه للحين للأرض .. تنهّـد و رجع رفع راسه و قال بإبتسـامه هادئه ] للحين ما قررت أستغني عنج !
ضاعت معالمها .. فاضـت من عيونهـا ردود فعل غريبـه بعد ما كانت تناظره .. علـى طـول غضّـت بصـرها وناظرت الأرض .. ظلّـت ساكته ما علّقـت بـ شي .. منظرها الـ مستحي مخلّيهـا ناعمـه زيـاده .. شكلها سرحت وهي تنـاظر تحت ! .. قال بخبث : عاجبتـج نعالي ؟
ناظرته بإرتبـاك : ها؟ .. ايه ايه .. حلوه من وين شاريها ؟
ضحك عليها .. مضيعه الأخت .. ما يسوى علي قلت كلمتين .. ابتسـم لها وقال : خاطرج تخفسينا اليوم يعني ولا؟
رفعت عينها وطالعته بـ نظرات استفهـام : ليـش !!
مشعل : أنا أصـلاً مو لابس نعال .. للحين ما فجرت عشـان أدخل الحرم بـ نعال ..
تفشّـلت .. ولا أقوله حلوه من وين شاريها .. الحين شبيقول عني ؟ .. ما تعرف تكذب ؟ .. كذابه ماخذه كذاب .. وش هالتوافق ؟ .. لفـّت عنه وهي تستعـد للمشي .. وقف يناظرها بإستغراب .. ما تتـوب !! .. ما تتـوب !! ..
مشعـل : بعـــــد !! ..
سحر : أمي قريبه من هنا .. ما راح أبعّـد
مشعل : مو مشكله بروح معاج .. بشـوف عمتي سعيده من الباص و أنا مو شايفها .. اكيد هي الحين مع امج جالسه تحذف عليها صواريخ
ضحكت وهي تتذكـرها .. يحليلها والله تهبـل لما تتهاوش .. لسـانها متبـري منها .. معذبه المسكينه اللي اسمها شريفه .. على عكـس عمتهـم نعيمـه .. أبـد ما تبيّـن إلا نادراً .. و إن شافوها .. فـ طابع الهدوء غالب عليها .. مشـوا متجهين ناحيتهـم .. يخفف من سـرعة مشيتـه .. يحب يشـوفها وهي تمشـي .. ثقيـله و متزنـه .. وبطيئـه .. وصلـوا عنـدهـم شـافوهم جالسيـن مع بعـض .. نـزلت سحر بمستـوى أمها ..
سحر : يمـه يبون يروحون السوق .. تعالي معانا ..
مشعل : لا تتأخرون .. عشـان الصـلاه .. و بعد صلاه العشـا إن شاء الله رايحيين معاكم ..
أم راشد : دام يبي يوديكم بعد صلاه العشا وش هالدلع الماصخ اللي ما له طعم ولا معنى ؟ .. ليش تبون تروحون؟
سحر : أنا شكو يمه .. هم اللي ذابحيني !!
أم راشد : طيب هذاني قايمـه ..
حاولت ام راشد تقوم من مكانها لكنها صايره ثقيله خصوصا انها كانت مرتاحه على الآخـر .. مسك ايدها مشعل عشان يساعدها على الوقوف
أم راشد : ما تقصـر يا ولـدي والله ثقلت بالأكل .. بس كسـر بإيدك عوّرتني شـوي ..
سحر فتحـت عينها وهي تحاول تكتـم ضحكتها .. ما تعـرف تتكلم ؟؟ .. قالت وهي تسـوّي نفسها رافضه الشي : يمـه !!
بعـد أنصدامـه ضحـك وقال : لا عادي .. عطاني راشد خلفيـه
{ السـوق / 01 : 2 عصـراً )
رفا : أنتو شسالفتكم ؟؟ .. هذي السـاعه شايفتهـا بألـف محل .. تسـرقون من بعض البضايع ولا شصاير ؟ ..
لمياء : هـذي أختــج !! .. لو داخلين داخل بالمجمعات الراقيه .. ماخذتنـا بهالأسـواق
سحر رفعت حاجب : و وش فيهم هالأسـواق ؟ .. أنا عاجبيني .. تحسين إنج عايشه حياه متواضعه ! .. لو رحنا المجمعات الراقيه على قولتـج ولا كأننا مسـافرين .. والله يا حلاتهم محلّات مفتّحـه على بعضها تحسين بالحياه ..
روح : الحين خلنا من الحياه .. شنو أشتري !!
سحر : والله شوفي شحلاتهم الاكسسوارات .. تلبسينهم يوم واليوم الثاني مصديين ..
روح : ومستانسـه بعـد ! ..
سحر : ما منكم فـايده [ مسكـت ايد سـاره ] .. خلكـم هنا .. بروح محل التسجيـلات ..
دخلـت سحر المحـل .. تشـوف الأشرطـه .. قرّبــت شـافت أشرطه قـرآن و أناشيد ومحاضـرات .. ألتفـت للي يبيـع
سحر : اخـوي بس بسألك عن شريط قديـم .. أسمه " وغارت الحور " .. دوّرت عليه بس ما لقيته .. مدري عندكم منه ولا ؟
البايع : لـ عبد المحسن الأحمد ؟
سحر : ايه
البايع : ايه عندنــا
فتحت عينها بدهشـه : جـــد والله !! .. طيب الله يجزاك خير عطني شريطين ..
ألتفت لـ ساره : ما راح تشترين شي ؟
ساره : لا ما أعرفهم
سحر : يعني شايفتني ماكله فول وحمص معاهم ؟ .. أنا بعد ما أعرفهم !! .. بس أسمعهم
ساره بتحفّظ : لا .. الله قال [ إياك نعبد و إياك نستعين ]
سحر : شكووووو !! .. بتسمعينهم أنتي ولا بتعبـدينهم ؟؟ .. مسـوّيه فيها المُثقفه اللي ما تتكلم إلا بآيـات .. ولا آيـات مو مناسبه للمـوقف !! ..
جلسـت تدوّر بيـن الأشـرطه .. تبـي تاخذ شـريط لـ عبد الرحمن يمكن الله يهديـه ..
سحر : طيب منو عندك قرّاء صغار ؟
البايع : عندي أحمد سعود و البراك ومحمد طه ..
سحر : لا البرّاك سريـع بالقراءه .. أبي جزء عم لـ أحمد سعود
البايع : احمد سعود ما عنده شريط لـ جزء عم .. بس البراك و محمد طه
سحر : أجل عطني محمد طه ..
البايع : يصير كامل 45 ريال
طلّعـت الفلـوس من شنطتهـا وعطتـه : مشكـور ..
لما " همّـت " .. تبي تطلـع .. صادف وصـول عبد الرحمـن .. واقف يدوّر ويتلفت
سحر : شفيك ؟
عبد الرحمن : هنا محل اشرطه ؟
سحر : ايه !!
بكـل هدوء وثقـه مشـى ناحيـة البـايع و مـد له الفلـوس : أبي شريط نانسي عجرم
فتحـــت عينهـا بإنصـدام !! .. و مسـوي فيها الصـارم !! .. نانســــي زفــت !! .. شفييييه هذاااا .. لفّـت تشـوف نظـرات البايـع لهـم .. ما سمعـت منـه غيـر إنه يلتف عنه ويقـول " لا حول ولا قوة إلا بالله " ..
سحبتـه من ايـده وهو يرفض و يصـرخ بإعتــراض " صبــــري ما عطــاني الشـــريط " .. قوّت أكثـر وطلّعتـه معاها برى .. الله لا يسعدك على الفضيحه !! .. وطلّعت وهي معقده حواجبها ومعصبه .. ناظرت أمها بعتب وقالت : شفتي يمه آخرت الدش اللي حاطينه بغرفته بدون حسيب ولا رقيب .. داخل المحل يقول لي أبي شريط نانسي عجرم !!!
فتحت عينها بإنصـدام وناظرت عبد الرحمن بقهر : أنـــــا مو قـــــايله لك راشــد المــاجد !!
لفّـت لها وهي مستنكره الوضـع .. هذا بدل ما تأدبه ؟ .. الله يهديج بس يا يمه .. شـافت شـروق تمشـي بسرعه تجاهها وتمسـك إيدها .. سـايرتها ومشـت معاها .. شـافتها وقفـت عند محل سـاعات باين عليه بو 5 ريال ! ..
سحر : شنو ؟
شروق : بنشتري سـاعات
سحر : نشتري من مكان ثـاني .. هذول لا شكل ولا صناعه ..
شروق : مو مشكلـه بس نشـتري .. نشتري .. نشتري
سحر : الحمد لله والشكر .. ترى ما وراي شـي .. نشتري عادي ..
ساره : أبي البرتقاليه
روح : أنا أبي الورديه
رفا : طيب راح آخذ الزرقه
شروق : السـوده
لمياء : بيضـــــاااا
سحر : البنفسجيـــه بدون تنـــــازل
مريم : أخضـــر أنا أخضــــر
العمّـه سعيده : طيـب أنا راح أخذ الصفـراا
شروق : من صجج عمتـي بتاخذين !
العمّـه سعيده : ايه شفيييها
أم راشد : أجل عطوني البنيـه
لمياء : طيب وش نسـوي فيهـم الحيـن ؟؟
شـروق وهي تحطها على ايدها : ألبسـوهـم .. يعني عندنـا رابـط لحمـله السحـر ..
حطتهـا سحر على ايدها وهي توريهـم : اللــــه .. يا حـلاة السـاعه مع لونها الفاقـع على القفاز الأسود !! .. والله فشلتونا مع خبالكم ..
لمياء : هههههههههههه العقـارب وقّفــوا .. أختربت السـاعه
العمّـه سعيده : ليش ما فيهـــا أرقــام ؟؟
مريم : لا يا خاله هذا بس من حسن النوعيه فـ الأرقام خفّيـه ..
عبد الرحمن : على فكره .. ترى ما شريتوا لي ..
سحر : ما نبي نسمع أفكارك .. لأني أصلا محاربتك ومابي أكلمك .. ولا يكون أشوفك تقولي أبي شي
عبد الرحمن : ليييييش !
سحر : تبي شريط نانسي ها ؟ .. خلها تنفعـك .. لا يطق لساني بلسـانك
عبد الرحمن : على فكره .. لساني ما يوصل للسـانج
سحر : اسكت بس اسكت مابي أسمع حسّـك
عبد الرحمن : على فكره .. أنا بس كنت أبي أجكـه وهو متلبس
سحر : استريـح يبـه استـريح
منقول
انتهت
من تأليف سحر عيونها
و ناوية تكملها
الرئيسية 
التسجيل 
دخول 
السبت فبراير 16, 2008 1:58 pm