مشعل : أشكر لكم حسـن الاستضـافه .. وين الغدا ؟
شروق : أستح على وجهك و وخر عن زوجتك واقفه وراك و أنت مغطي عليها
تقدّمت لهم و سلّمـوا عليها .. جلسـوا يسـولفـون .. و هي تكتفي بكلمات مختصـره وابتسـامات .. صعـدت دار بنت شـروق لأنها مو راضيـه تجي تتغـدى معاهـم .. صعدت معاهم شـروق و مشعل .. نـزلت سحر لمستواها وهي تمسح على شعرها
سحر : أفا .. الحين جايتكم و بالأخير ما تجين تتغدين معانا ؟ .. ليش عاد ؟
مع اشاره من مشعل طلعت شروق من الغرفـه .. لفّـت تناظرها وهي تطلع .. وقفت بخوف .. و قالت بسـرعه
" طيب حبيبتي ؟ .. تعالي يلا " .. مشـت بسـرعه تجـاه الباب .. وقفها مشعل وهو ينـادي بأسمها
سحر : نعـــم ..
مشعل : شدعوه عاد .. ما تبين تشـوفين غرفتي ؟ .. أووه نسيـــــت .. انتي شفتيهـــا من زمـان
لفّـت عنه وطلّعت وهي تحاول تمحي من ذاكرتها الموقف .. مو ناقصه !! ..
نزلوا يتغـدون .. والبنت ما نزلت معاهم .. تتغلـى .. بالطقاق يه ؟ ..
العمّـه سعيده : شفيج يمه عصفور ؟ ..
سحر : لا خالتي بس مثقله بالفطور ..
العمّـه سعيده : ايه ما شاء الله .. يعني تودين هاا ؟
مشعل يناظرها بانصدام .. هذي اللي بتخرّب مستقبلنا !! ..
سحر : ايه خالتي
العمه سعيده : ايه لايقين على بعض .. ترى حتى هذا فيل ..
مشعل : عمتي شدعوه عاد !! .. حميد كان ميّت جـوع والسبب إنج تخلصين عنه الغدا !
العمه سعيده : لا أنا غير
خلّصـت الغـدا .. و مع حركـه إغاظـه لـ مشعل أصـرّت شروق إنها توصلهـا .. عيــــد عند سحر .. عسـى دوم تحرّين أخوج يا شروق ! ..
وصلـت البيت .. خلّصـت يومها بتحقيقات من أمها و روح .. اليـوم الثـاني صحـت بسـرعه .. البيت كلهـم مشغوليـن .. خلصـوا .. و ركبـوا السيـاره .. الفرحه ما توسعهم ! .. رايحين بيت الله ! .. وصلوا عند محطه التجمـع .. واقف وهو لابس كبـوس .. مبيّـن عليه الإرهـاق .. وصلـوا .. والبنـات وصلـوا معاهـم .. مـوقف حلـو .. يجمعهـم كلهـم وهم متجهين للبـاص يركبـون .. ركبوا بشكل مبعثـر .. و ركب وراهم مشعـل يشـوف العدد والترتيب ..
مشعل : ورى ورى
شروق : شتبي ؟ ليش ؟
مشعل : شنو ليش ؟ .. روحي ورى .. هذا مكان سحر
شروق : شكوو ؟ .. كاهي قاعده ورى ما قالت شي
مشعل : أنا أقـول كيفـي .. روحي ورى وخليها تجي قدام
شروق بقهـر : أفففففف
تقـدّمت سحر .. و جلسـت وقربها روح .. و رفا قربها شـروق .. و أم مشعل مع أم فيصل .. و أم راشد مع عبد الرحمن .. و مريم مع ساره .. و لميـاء مع وحده من البنـات .. وقف يشطّـب على أسمـاء الموجودين مروراً بهـم
مشعل : روح جاسم .. أعرف اسمج ما يحتاج تقولينه
روح : بل ..
أتجـه لـ سحر وهو يتنهـد : و أنتـي ؟
شفيه يستهبل أخونا ؟ .. قالت بصـوت خفيف : سحر السيف
مشعل : فـديييييت السحـر أنا
لفّـت بوجهها و قالت روح : بـلا هالحركات قدامنا ..
مشعل : ههههههههه إن شاء الله ..
عطـاها علبـه كانت بإيـده .. شافتـها علبه جوّال N93 .. ناظرته كأنها تستفـسر ..
مشعل : هذا لج .. ركبت الرقم .. وسجلت لج رقمي ..
ناظرته وقالت بصوت ناعم : مشكـور
ابتسـم لها : العفـو .. عجبـج ؟
مسكتـه بإيدها وقالت بـ براءه : كبيـر على ايدي
قرّب منها وقال بابتسـامه : أتكلـم ولا فليتنافس المتنافسون؟
تغيّـرت علامات البراءه وتحوّلت تعابيـرها الى تحدي : فليتنافس المتنافسون
مشعل : ههههههههه أوكـي
سحبت روح الجوال من ايد من سحر .. تشوفها بذهول .. عجبها شكلـه .. ألتفـــت لـ سحر وقالت
روح : يهبــــــــــــل سحـر .. ما يغلى علي والله
خذته من عندها : ايه والله يغلى عليج
حسّـت سحر بأحد يسحب أذنها من وراها .. ألتفـت شافتها مريم
مريم : وراك وراك ..
سحر ملتفـه ورى : أنتو هنا ؟
مريم : ايه جالسه أعاني مع هالساره ..
ساره : والله العظيـــــم .. أقسسسسسم بالله اللي خلقني .. و رب البيــــت اليوم الصبح متسبحه .. والله والله
سحر : واااي شوي شوي على عمرج .. يعني مسويه إنجــاز !!
روح فاتحه عينها : سحر جبتي الأكل !!
سحر حطت ايدها على فمها : أوووه .. نسيــــــــته
زنطتهـا بإيدينها وقال بصـراخ : نســـوج بجهنــــم قـــولي آميييين .. وش تنفعني نسيته الحين
وخرت ايدها عنها : وجع .. ما نسيته أمزح معاج
صـوت المكيرفون بدأ يشتغـل ..
مشعل : بسم الله الرحمن الرحيم .. السلام عليكم .. إن شاء الله كل شي عندكم تمام ؟ .. طبعا نذكركم بدعاء السفر .. الله أكبر ، الله أكبر ، سبحان الذي سخرلنا هذا وما كنا له مقرنين وإنا إلى ربنا لمنقلبون .. اللهم إنا نسألك في سفرنا هذا البر والتقوى ، ومن العمل ما ترضى ، اللهم هون علينا سفرنا هذا وطوي عنا بعده ، اللهم أنت الصاحب في السفر ، والخليفة في الأهل ،اللهم اني أعوذ بك من وعثاء السفر ، وكآبة المنظر وسوء المنقلب في المال والاهل ..
راشد بصوت خفيف : الله يخلي الورقه اللي تقرى منها
فيصل : هههههههههه فضحته ياخي
~
{ جهه البنـات / 28 : 10 صبـاحاً )
مريم : ما عندكم نكت ؟
سحر : نكت و أحنا رايحين بيت الله .. شفيج أنتي خبله ؟
شروق : آآخ سحر والله خاطري أشنقج على المكان اللي خذيتيه
سحر باغاظـه : مــــووتـــــــــي قهــــــر .. قاطينج ورى و مخليني مكانــج قدام
شروق : تكفين روح جيبي لي شعـرها خل أوريها ..
روح : مسامحه .. الأكل عندها مالي خلق أنحرم
لمياء : بنات شكلي مضبوط ؟
سحر : مدري أوكلها شنطتي ..
روح : لو سمحتي .. خلي المهمات لأصحابها ..
رفا : أففف .. شفيكم أنتو .. والله مقرفين .. صار لكم ساعه تتكلمـون .. هدوء شوي
لمياء : الحين شكو الهدوء بـ القرف ؟
أم راشد : يمه بناتي .. سكروا حلجكم شوي وجعتوا راسي بسوالفكم السخيفه
مريم : بدينا بالاهانات ..
سحر تكلّم أم مشعل : خالتي متفطرين أنتو بالبيت ؟
أم مشعل : لأ يمه ..
نادت سحر عبد الرحمن .. و طلّعـت له صحـن حطت فيه 3 فطاير و سندويشين ..
عبد الرحمن بعينه الدمعه : سحــــــر أحبـــــج والله .. مشكـــووره والله كنت جوعان
سحر : طيب .. خـذ هذا الصحـن و عطـه مشعل طيب ؟ ..
عبد الرحمن بإحباط : يعني مو لي ؟
سحر : لأ مو لك .. عطه إياه واذا سألك من وين قول له هم عطوني وبس .. طيب ؟ .. إن قلت له إن مني صدقنـي ما أعطيك أكـل !
عبد الرحمن أبتسـم : طيب طيب ..
سحر طلعت عصير برتقـال و عطتـه إيـاه : هذا بعد ..
راح عبد الرحمن وهو يمسك الصحن بإهتمام و يمشي بهدوء .. يخاف يطيح منه وما تعطيه سحر أكل .. عطـى مشعل .. و مشعل مستغرب ! ..
مشعل : شنو هذا ؟
عبد الرحمن : هذا اكل اذا ما تبيه باكله ..
مشعل : لا أبيه .. بس منو عطاك إياه
عبد الرحمن : مدري
مشعل : شلون ما تدري ؟ .. من وين ماخذه
عبد الرحمن : مدري مدري
مشعل : شفيك أنت ؟
عبد الرحمن : مدري مدري مدري ..
ركـض عشـان يرجع لهـم .. مسكـه راشد بنص الطريق ..
راشد : تكفــى عبد الرحمن والله بتقطـع من الجوع .. قول لـ روح تعطيني شي
مشـى عبد الرحمن .. و راح يقـول لـ روح .. لفّـت له خبز و جبن و عطته عشـان يوديه .. و قبل ما يروح نادتـه .. و حطت فوقهم توته .. ركـض بحماس يعطي راشد
راشد باحباط : شنو هذا ؟
عبد الرحمن : هذا اللي عطتني اياه
راشد : قولها يقـولج راشد تعبتي حالج
رجع لهـم .. مسكتـه سحر تسأله إذا قال لـ مشعل
عبد الرحمن : لأ ما قلت ..
سحر : طيب وش قال ؟
عبد الرحمن برومنسيه : قال تسلم إيدج يا بعد قلبي .. يا نبض و روحي وحياتي .. يا رجلي اللي أمشي فيها .. ونعالي اللي ألبسها .. يا نظارتي الغاليه .. يا ايدي الكبيره .. يا خشمي الطويل .. يا أمي يا أبوي يا شواربي
عقّـدت حواجبها ولفّت عنه بعصبيه : الشرهه علي اللي أدز له أكل ..
عبد الرحمن : طيب وين أكلي ؟
سحر بقهر : ماكو أكــل
فتح عينـه : أنــــــــا شكوووو !!
قضـوا الوقت .. بـ شـويه سـوالف .. و ضحك .. و قراءه .. بدت السمـا تظلّـم .. مع السـاعه 11 بالليـل .. الأغلب تقريبا نـام .. تسكـروا المصابيح .. و علـى صوت البرّاك مالت سحر براسها تجـاه الدريشـه .. تطل .. بالرغم إن ما كان يبين شي الا انها كانت مرتـاحه .. راحه عجيبـه .. الجو بدأ يبـرد .. لفّـت نفسهـا بـ شـال أبيض وهي تدفن وجهها فيه عشـان تحس بالدفـا .. صـوته مُريـح .. حزيـن .. الباص هادئ ماكو صـوت .. و روح حاطه راسها على كتفها شبه نايمـه .. شعورهـا يزيـد .. قريبـه من بيتـك يا ربي .. تـزيد قبضتها على الشـال وشعرها يحاوطها عشـان تحس بالدفئ أكثر .. حسـّت بـ صوت اهتزاز الجوّال .. شافت مسـج ..
From : مشعل
بردانه ؟
مسكت الجوال و دزت له .. " ايــه " ..
رجـع أرسـل لهـا رسـاله كاتب فيهـا :
[ تدفي زيـن .. وحاولي تناميـن عشـان ما تحسين بالتعب ]
ردت عليـه .. " إن شاء الله " ..
تركــت الجوّال و مالت براسها مره ثانيه تجاه الدريشـه .. سكّـرت عينها بهـدوء عشـان تنـام ..
فجــأه ! .. حسّـت ان وقفــوا بطريقــه غريبـه .. تسمــع صــوت .. رفعت راسهــا .. وناظــرت روح اللي كانت صاحيه .. وتحاول تطّـل .. مع الاصوات اللي بدت تـزيد .. تيّقنت روح !! .. علامات الخوف تكتسيها .. تناظرها سحر باستغراب .. شصـــاير ؟؟
روح بلعت ريقها : سحـر .. قطّـــــــاع طرق !
يتبع
منقول
الرئيسية 
التسجيل 
دخول 
السبت فبراير 16, 2008 1:51 pm