--------------------------------------------------------------------------------
سحر : نـ .. نـ .. نعــــــم
مشعل : شخبارج ؟
سحر : بخير
مشعل : هههه بخير ؟ .. أشك والله .. طيب جهزتي شي ؟
سحر : ايه
مشعل تنهـد من صوتها : شفيج تتكلمين باختصار ؟ .. أحد معاج ؟
سحر : ايه
مشعل ابتسـم : طيب طرديهم ..
بلعت ريقها و قالت : ليـــــــش ؟؟
مشعل : هههههه ترى والله ما أعض .. لا حالتج مأسـاويه .. الظاهر لازم أمسك لسـاني
قالت بتأييد وبسرعه : أيه ايه
مشعل : ههههههههه .. خيــر يا سحــر .. يصيـــر خيـر .. المهم بمر عليج بكـره لأن الوالده عازمتـج على الغدا بـ بيتنا ..
الله يستـــر ! .. ردت : السـاعه كم ؟
مشعل : السـاعه 12 طيب ؟ .. خلج جاهزه .. لا تنسين
سحر : إن شاء الله ..
مشعل : أوكي بكره وراي دوام بروح أنـام .. [ كمّـل بخبث ] أسـوي ختامه مسك ولا ؟
فتحت عينها : لااااااا !! .. ترى والله اسوي فليتنافس المتنافسـون !
مشعل : هههه لا خلاص هوّنا يبه .. الحين طلع اللســـان .. أوكي سلمي على أمج [ كمّل بصـوت هادي و رومنسي ] و لا تقربين المكيف تغطي زين .. الجو حار
سكتت وما ردت عليـه .. كمّل وقال باستفهام : ترى المفروض تضحكين الحين ؟
سحر : ههههههههه
مشعل : يا زيـــــــــــن هالضحكــــــــــه و يا زين راعيتهـــــا ..
سكـرت التلفـون بسـرعه و بطريقـه عفـويه .. تقلّبت ألـوان وجهها .. لا يا مشعل !! .. هذا اللي ما أتفقنا عليه !! .. تنهـدت بقـوّه .. فيفيات عبـده في قلبها يترقصـون ! .. تحس إنها بتقوم و بتسطّر روح ! ..
روح باستغراب : ليش سكرتيه ؟
سحر بقهر : لأنه قليل أدب وما يستحي .. لكن يصيـر خيـر .. يصيــر خير .. يبشـر باللي يسـرّه بـ مكه ..
روح : أبيـه شفيـه ؟
سحر تخصّـرت وقالت بتحـدي : بوريج فيـه
سحبت ايدها وقعدتها : قاعدين بحلقه أحنا .. قعدي زين قعدي .. خلنا نتفق .. أنا توت وصمـّون ما يكفيني بالباص .. بلا هالبخل وقولي لأبـوج يطلّع من جيبه ويدفع !!
هـو الثـاني .. حذف الجوال على السرير وهـو يضحـك .. يحليلها .. شكلها راح تربط لسـاني ..
تبقيــنَ السمــاء صعـــبٌ وصولهـــا ..
للهِ دُرِ مســامعٍ لـ همـسكِ أنصتت ..
~
{ بيـــت أم راشــد / 15 : 10 صبـاحاً )
سحر : و قســــم بالله أكــــرهك .. يا عمــــي ما أطيقـــــك .. تجيـــب المـــرض !!
عبد الرحمن : يعني أنتي اللي ما تجيبين المرض ؟
سحر : ايـــه شتبــــي ؟ .. شكــو داخل غرفتـي مسكـر المكيّـف و طالع !
عبد الرحمن : على فكره ترى أنا قاعد اقتصد بالكهرباء
سحر : على فكره أنا كيفي ومو أنت اللي تدفع فاتورة الكهربا
عبد الرحمن : لأ !! .. الكهرباء في حياتنا مثل الدم في عروقنا
سحر : أحلــــى يا شيـــــــخ .. مسـوي فيها الحكيـم السمين يعني .. تفهـم يعني ايش كيفي ؟ .. يعني كيفـــــي ..
عبد الرحمن بصـرامه : أنـــــــا رجّــــــال وكلمتـــــــي وحــــده .. ماكو طلعه من البيـت
سحر بقهر : أفففف شيبي هــذا ؟ .. هييي أنـــت .. بابا .. تراك بزر .. فأحترم نفسك .. قال رجال قال .. أقول روح خط لك الكحل بس الله يخليك ..
عبد الرحمن : على فكره .. راح أسـافر و أرتــاح منـج
سحر : أسمـــــــع !! .. أصـلاً كلك على بعضك بتـروح بحمـله أسمها السحر .. وبتروح لأنـــــي أنـــــا بروح .. فاهم ؟ ..
عبد الرحمن : على فكره .. أسمها حمله العبد الرحمن
سحر : ايه ايه .. روح نام يمه روح نام ..
عبد الرحمن : على فكره أنا غلطت معـاج
قالت باستفهــام : هــااا ؟؟
عبد الرحمن : اللي صار صار .. و أنا مستعد أصلّح غلطتي
سحر فاتحه عينها .. شفيه هذا ؟؟ : هيي أنت ؟ ..
عبد الرحمن لاف وجهه وبجديه : أنا كليت التوت
سحر : عندي بغرفتي ..
عبد الرحمن بهمس : بقولج شي
سحر : شنو ؟
عبد الرحمن : أمس أبوي زفـّت بأمي هههههه
سحر بعصبيه : ما يضحـــــك
عبد الرحمن : على فكره .. أمي ما سكتت عن حقها .. على طول بجت !!
~
{ الطابق الثـالث / 30 : 10 صبـاحاً )
روح : ههههههه سخييييف
راشد : طيب يقولج هذا احول يسوق بسياره صديقه قال له صديقه انتبه العمــود قدامك .. قال الأحول لا تخاف أمر بينهم .. هههههه سخيفه مو
روح : ههههه ايه أنت أسخف
راشد : هههههه أنتي بعد والله .. طيب سمعي .. محشش بالمطار لقوا معاه بودره .. قالوا له : الجمره الخبيثه ؟ قالهم صلوا على النبي مخدرات هههه
روح : ههههه ما أثقلك
راشد : محشش متزوج مدرسة لغة عربيه قالت له : هل أسكب لك الشاي .. قالها بغزل أحلـى يالانجليزي ههههه
روح : هههههه ما تضحك
راشد : هههه أدري .. محشش يسأل أخوه : وين أنولدت ؟ .. قال الثاني في المستشفـى .. قاله ليش كنت مريض ؟ ههههه
روح : ههههههه عقبالك
راشد : ههههه إن شاء الله .. مسترجله تاكل حلاو و زوجها يغازلها يقول : حلى ياكل حلى .. وأنا وش آكل ؟ .. قالت كل تبن .. هههه
روح : ههههههه ايه والله كل تبن
راشد : محشش طلّق زوجته راحت تلم أغراضها قالها أشوفج زعلتي ؟
روح : ههههههه عقبالي
راشد : إن شاء الله .. وحده عصبيه راحت لخياط وقالت له: خذ وخلص الفستان بدري مو اجيك بكره تقولي بعده واجيك بعده تقولي اللي بعده واجيك بعد اسبوع تقول باقي اللي بعده .. اقول جب الفستان .. ههههههه
روح : ههههههه بايخه
راشد : أدري .. محشش عينوه مدير مدرسة أيتام .. ثاني يوم طلب أجتماع أولياء أمور ههههههه
روح : ههههههه خلصوا التعليقات
راشد : أصطلبي
روح : ليش ؟
راشد : الا صـح جهزتي أغراضج ؟
روح : ايه
راشد : طيب بروح أسحب من البنك .. كم تبين ؟
روح : أبي لـ شنو ؟
راشد : لـ مكه !
روح : ليش ما راح تجي معانا ؟
راشد ابتسـم : بلا .. بس ما راح أكون فاضي لج
رفعت حاجب : لا تخاف أنا بعد ماني فاضيه لمذلتك .. المهم عطني أي شي ..
راشد : تكفيج 1500 ريال ؟ .. / [ 150 دينـار ] ..
روح : واذا قصـرت الفلوس ؟ .. شسوي بالله ؟
راشد : بطير يعني ؟ .. معاكم أنا .. بس أقول يمكن يعني مره بتروحون السوق و أنا محد ..
روح : طيب
راشد : ما بعطيج كذا بدون مقابل
روح : أجل ؟
راشد : رتبي شنطتي [ قال بطفوله ] بليييييز
روح : مابي
راشد ببساطه : خلاص .. ماكو فلوس .. روحي كذا
روح : يرحم أم المــــــذله !! .. خلاص يا عمــي .. أففف ..
راشد : هههههههه والله تهبليــــن
روح بنظره جانبيه : المشكله ما اقدر أرد لأسباب ماديه !
~
{ بيـــت مشعـل / 09 : 11 صبــاحاً )
مشعل : يمه لا تفشـلونا .. ما نبي ملح زياده و لا ناقص ..
شروق رفعت حاجب : شدعوه هي تعرف تطبخ يعني ؟
مشعل يبتســـم : اهي كيفها بس أنتو لأ ..
أم مشعل ألتفت له : يمه خلصت أغراضك ؟
مشعل : ايه رتبت ثيابي
شروق باستغراب : أنت مرتب ثيابك !!
مشعل : ايه ؟
شروق : واي يحليلك حـــدك مطيـع و مُثابر ..
مشعل : هههههه شكو .. المهم أنتم خلصوا كل شي .. وقولوا لعمتي سعيده تخلص .. بكره بنحرّك بدري .. مابي احد يتأخر .. وأنتي ترى رايحين بيت الله .. إن حطيتي مكيـاج نزلتـج بالشارع
شروق : كيفي
مشعل : لا يبه ماكو كيفي .. طراقـات ترى ..
أم مشعل : الساعه كم نمشي ؟
مشعل : الساعه 10 ..
أم مشعل : قلت لبيت أم راشد ؟
مشعل : ايه يمه قلت لهم .. المهم خلكم كلكم قرب بعض .. بالاساس ماكو ناس اغراب معانا احنا .. أما باقي الباصات لأ .. جمعتكم كلكم مع بعض .. يعني جهة الحريـم .. أنتي و شروق و عمتي سعيده و أم فيصل و أم راشد و سحر و روح و رفا و 3 من رفيجات سحر و 3 خوات واحد من ربعي .. و صوبنا .. أنا و راشد و فيصل و يوسف و أبوي .. و 6 شباب معاي بالدوام .. و 3 من ربع أبوي .. وعبد الرحمن .. بس نسيت أحوّله جهه الحريم
شروق : ههههههه مسكيين !!
دخل مشعل المطبخ .. يشـوف وش مسويين ! .. ما يثق في أحد منهـم .. شـاف الوضـع تمام .. عجبـه .. أشكال و أنواع أكل .. أول مره يطبخونها .. و سلطات وحركات .. شاف ساعته .. الوقت 11 ونص .. صعـد داره ياخذ شاور و يبدّل و يروح لـ سحر ..
~
{ بيت أم راشـد / 49 : 10 مسـاءً )
سحر تناظر نفسها : مدري يمه .. كذا زين ؟
أم راشد : سألتيني ألف مـــــــــره .. زيـــن زيـــن .. بس فكيني عاد
سحر : يمه ليش أنتي محبطه كذا ؟ .. مدحي شوراج ؟
أم راشد : تصيدني حكه لما أمدح ..
عبد الرحمن : على فكره .. بالطقاق
أم راشد : على فكره بتتسطر ترى
صــوت تلفـون البيت .. عرفت سحر إنه مشعـل .. لبست عبايتهـا ونقابها و أخذت شنطتها وهي واقفه تنتظر كلام عبد الرحمن ..
عبد الرحمن : هالزفت يقولج طلعي له برى
فتحت عينها وقالت بصـراخ : تكلّـم عدل .. خل أرجع بس .. أوريــك ..
طلعت بعد ما سلّمـت عليهم .. وهي تمشـي بـ بطئ و ثقل .. تشـوفه بالجيب .. جالس يناظر الجهه الثانيه .. والشمس ضاربه بوجهه ومطلعه لون شعره بني .. ساند ايده على الباب و لابس فنيله ضاغطـه و نظـاره تحجب الشمس عن عينـه .. شكلـه جنــان .. نـزّلت راسها باستحيـاء و أتجهت ناحية السياره .. تتنفس بقـوّه .. لازم تركب قدام !! .. وش هالمصيبه .. بكل هدوء فتحت الباب .. ألتفت لها يشـوفها وهي تركـب .. جلسـت و سلّمت بهـدوء .. رد السـلام وهو ينـاظرها .. منـزله راسها وماسكه ايدينها مع بعض .. مسكره عيونها من الحيـا !! .. شكلهــا ناعــم .. جلس يناظرها و هوا المكيف يتلاعب بشعره .. للحين مو راضي يسـوق .. شفيـه هذا ؟ .. قالت وهي للحين مسكره عينها و بعفويه
سحر : أنت نمت ؟
مشعل مفهـي : ها؟
كحّـت تنبهه على حاله .. يمــــاااه شكله سكــران .. يا ربــــي .. لو قايله ما أبي أروح مو أحسن لي .. أخاف يسوي فيني حادث .. للحين ما عشت شبابي .. بتروح علي السفـره ..
حسّ شـوي على عمره .. وحرّك .. تحـس بالبـرد .. المكيـف بارد حيـل .. و السيـاره كلها رايبـون .. هادئ هدوء مو طبيعي .. تنـاظر بطرف عينها ايده المعضـله وهو ماسك السكّـان و سـاعته الفخمه باينه .. السيـاره كلها ريحتـه ..
وسط صمتـه .. يستـرق السمـع عشـان يوصل له صـوت نفسهـا .. ثقيـله حتى بطريقه قعدتها .. ينـاظر بيـاض ايدهـا الناعمـه وهي حاطتها على شنطتها .. ما يبي يتكلم ! .. عاجبه الصمت .. وعاجبها هي بعد .. ما يبي يوّترها أكثـر ..
وصلـوا عند باب البيـت .. نزل من السيـاره وهي للحين قاعده .. تعدّل عبايتها عشـان تنـزل .. فتـح لها البـاب .. تفشلّـت أكثر !! .. نـزلت و دخلـوا البيت .. أول ما فتـح البـاب لقـاهم مجتمعيـن شـروق و أم راشد و العمه سعيده وطايحين له جبّـاب .. ضحك على شكلهم .. واقفين كأنهم الساحرات الثلاث قدام الباب ! ..
يتبع
منقول
الرئيسية 
التسجيل 
دخول 
السبت فبراير 16, 2008 1:51 pm