ألتفت له روح تناظره بإنصـدام .. آخر ما عطتـه هي نظـره ناريـه ! .. مسكـت ايد سحـر .. ومشـت بدون ما تتكلم .. مــالت عليك وعلى اليوم اللي شفتك فيه ..
تمشـوا بين المحـلات .. مع ان روح ما كان لها نفـس .. لكن مشت معاهم .. وصلوا عند محل عبايات ..
سحر : عندك نقابات ؟
العامل : ايه .. بو خيط ولا بلا ؟
ألتفت لـ روح بحيره : أمممم .. شنو آخذ ؟
روح : جربي بخيط و بدون شوفي شنو أحسن ..
سحر : عطني بو خيط وبدون ..
خذتهـم .. ودخلت غرفـة التبـديل .. لبسـت بالأول بو خيـط .. وبعدها الـ بدون الخيـط ..
سحر : أيهـو أحلـى ؟!
رفا : مدري سحوور بو خيط شكله أكشخ
أم راشد : ايه يمه بو خيط أحلى .. يثبت أحسن بعد ..
عبد الرحمن : لالالا .. أخذي بدون ..
سحر : أوكي .. أجل عطني 2 بو خيط و 1 بدون ..
روح : أنا بعـد
سحر : أفف .. تكلمت القلاده ..
روح : كيفي
طلعـوا من المحـل .. متجهيـن لـ محل العطورات اللي قربـه .. توهـم يبـون يدخلون .. لكن لمحـت سحر وحده !! .. هذي هي .. مثل المشيـه اللي تتدلع فيها و هي الدلع متبري منها !! .. هيـام ! ..
سحر : يمه طلعوا طلعوا .. بنروح مكان ثاني
أم راشد : ليـش يمه ؟
سحر : بس يمه مابي أدخل هنا .. نروح مكان ثاني أحسن
مشـوا وهم يدورون محل يعجبهم يدخلونــه .. شـافوا عبد الرحمن يركـض قدامهـم .. أثـره شايـف ذره ..
أم راشد : يمه رفا روحي معاه
سحر : رفووي تكفين أبي ذره أنا بعد .. قولي له يـزيد الليمون
روح : و أنا قولي له يزيد الملح
رفا : أوكي ..
راحـت ورى عبـد الرحمن .. عشـان يشتـرون .. قربهم كان مثل السوبر ماركت الصغير .. دخلته سحر و روح و أمهم عشان يشترون كاكاو .. طلعت سحر وهي شاريه تايم أوت .. و روح بـ جالكسي ..
~
{ السينمــا / 57 : 7 مســاءً )
دخلوا كلهم ومعاهم راشد اللي لقـوه عند البـاب .. جلسـوا قرب بعـض بالكـراسي .. أما راشـد فـ جلس قرب روح .. اللي من شافتـه كانت تبـي تغيّـر مكانها .. لكنه منعهـا لأن الفلم راح يبتـدي ..
تسكــرت الأضــواء .. وأبتــدأ الفلــم .. الكل في حالـة صمـت .. يناظرها .. بايـن من عينها علامات القهـر .. قال يهمس بأذنها
راشد : زعلانه ؟
لفت تناظره .. أكتفت بنظره .. ورجعت بمثل وضعيتهـا ..
حط راسه على كتفها : بسج دلع عاد ..
روح : راشد أحنا مو بالبيت
رفع راسه : قولي لروحج .. مو وقت زعل و هواش الحين
روح : كلّم روحك بالأول بعدها تعال كلمنـي .. انت بروحك اللي تجيب الهواش .. مدري ما تفهـم .. ولا بمخك يعني ما أرتكز إني ما أحب هالحركات !
ما زيّـد كلام .. علـى طول قام من مكـانه وطلـع .. الكل استغرب منه .. شفيـه ؟ .. ما توقعـت روح إنه يطلع أبـداً .. على طول لحقتـه وهو طالـع .. أضطـرت تمشي بسرعه .. لأن خطواتـه كبيـره ..
وهو يمشـي .. مسكت ايـده .. ألتـف لهـا .. وهو يمسـك ايدهـا ويضغـط بقـوة كبيـره عليها .. و يقـول بنبـره حاده " ايـــدج هذي أكســرها لج لو لمستينـي مره ثانيـه .. تفهميـن ؟ "
قالت بنبـره قريبه من البكاء : راشـد ايـــدي .. تكفـى أتركهـــــا
مع صوتهـا اللي سمعـه ترك إيدهـا .. صـارت حمره ! .. مسكـت ايدها بألـم وهي تحضنهـا .. ناظرها وهي ماسكه ايدها .. تنهـد .. و رجع مـره ثانيـه داخـل .. راحت وراه .. وجلسـت مكانهـا .. ناظرها على جنب شافها تمسح دمعتهـا .. وهي تمرر ايدها على ايدها الثانيـه تحاول تخفف ألم القبضـه .. نـزّل راسه .. ناظر ايده وهو يقول بنفسـه " عسى الكسر يحوشج ولا تضـرينها " ..
حس تحـته بشيء .. لكن ما أعطاه أي أنتبـاه .. بعـد دقيقتيـن حس بأحد يسحب شعـره .. نرفزته الحركـه .. ألتـف توه يبـي يزف لكن مسكته سحر ..
قال بتذمر : ياخي راسك كبير .. نزله .. أبي أشوف الفلم ..
راشد : أنتم وش جايبكم ؟
مشعل : فيصل قال لي انك خاينا وجاي هنا .. قلنا نجي معاك ..
راشد وهو يلف عنهم : آخ على كثر المعجبين
بدأت دقات قلبها تزيد .. ياخي خلصوا الاماكن ؟ .. ما لقيت مكان تجلس فيه الا ورانا !! .. تكتفت وهي حاطه رجل على رجل
مع ظـلام المكـان ! .. كان يحس أن وجهها بروحه ضيـاء .. تميـل براسهـا على جهة اليمين .. بـ نعومـه .. وكلهـا غنــج و دلال .. ينعكـس على وجهها ضـوء الشاشه .. يزيـدها روعـه ..
،’،
أرحمونــي .. و ايديكــم بـ دمـي لطخـوا
أُسِـرتُ للحـبِ .. و ما بعـدَ الأسـرِ من فرجِ
غيـثُ السحائبِ والمـزون صُيّـرت النفس فيِّ وما برِحـت
قومــوا إليََّ و أعلـوا سيفـاً عظيمـا .. ومهجتـي دكوهــا
من ميـاهِ السُـمِ أسقـوني .. ولكـن عنها أبعدونـي
ريـمُ الجسـومِ .. و مريــمَ الأخـــلاق
صُوّبـتُ بسهـامِ العيـونُ .. فـ بـتُ بين أسوارهـا سجينــاً
في ظلمـةِ الليل تزيـدُ حسنـاً
ولـ حُسـنِ النهـارِ أشـدُ تأويــلا
،’،
راشـد أندمج مع أحداث الفلم .. لكـن .. حس بشي .. لف عينـه .. شـاف روح طاحت على كتفـه نايمـه .. حس بشعور غريب ! .. بريئــه .. حس فيها طفـوله .. تكسر الخاطر .. خصوصا مع شكلها الحزين وهي نايمـه .. مسك ايدها اللي ضغط عليها .. باسهـا .. حظنها لصدره ..
انفتحــوا الأضـواء اعـلان ان الفلــم خلّـص .. ألتفـت سحر شافت الفلم الرومنسي اللي قربهـا ! .. وقفـت .. تخفي ضحكتها .. مسكينه يا روح ! .. لو تصيحين بس !! .. قالت لراشد ما يتحرك .. مسكت الجوال .. صورتها وهي نايمه على كتفه .. عشـان تقهرها لما تصحى ..
راشد : سحور وخري راسها عني .. [ يهمس ] .. ما فيني تطلع لي مخالبها قدام الناس ..
سحر : ههههههههه أوكي ..
وهـم ماشيين طالعيـن .. ناظر فيصل مشعـل بخبث ..
فيصل : شفت آخر مقطع وش صار بالبطل ؟
مشعل بارتبـاك : ها؟ .. ايه ايه .. عجيب والله
قال وهو يهمـس بإذنه : أقطــــــع ايدي اذا شفـت شي من الفلم
أنحرج منـه .. لف راسـه الجهه الثـانيه .. و مشـى .. " مو بإيدي " ..
~
{ المطعـم / 16 : 10 مســـاءً )
راشـد : شتبون تطلبون الحين ؟
سحر تناظر القائمه : أممم .. أنا أبي ستيك
روح : أنا بعد ابي ستيك
سحر : حتــــى في الأكل !! .. شوفي في نوعين .. أنا باخذ نوع و أنتي نوع .. عشان اذا اللي طلبته مو حلو .. أكل مالج .. أوكي ؟
روح : لا عيوني مو أوكي
سحر : لا بلا أوكي .. أنتي أخذي النوع الأول ..
روح : و أنتي شنو بتاخذين ؟
سحر : باخذ ديانا ..
راشد : يمه أنتي شنو ؟
أم راشـد : أبي رقم 14 ..
راشد : رفووي ؟
رفا : أبي صحن مشكـل ..
راشد : عبد الرحمن ؟
عبد الرحمن : ابي توست وجبن
راشد : هههههههههههه .. أحنا مو بالبيت .. قول شي عدل
عبد الرحمن يتأفأف : اففففف خلاص قول لهم يجيبون لي دجاجتين ونص لحم ..
راشد : يمه .. خليه ياكل معاج .. اذا عليه راح أبقـى ساعه ليما أطلب !!
روح : الا شرايكم بالفلم ؟ .. حلو مو ؟
سحر ناظرت راشد .. وماتوا من الضحـك .. طالعتهم بطرف عينهـا ولفـت عينها تجـاه أم راشد
روح : شرايج بالفلم خالتي ؟
أم راشد : والله يا يمه ما طالعت الا أول مقطعين .. باقي الفلم كله أنا نايمه
روح : ههههههههههه يحليلج يا خالتي
طلع راشـد يطلـب لهم .. وجلسوا بحاله هـدوء .. تذكـرت أم راشـد إنها كلمـت أم مشعل !!
أم راشد : ايه يمه سحر تذكرت .. جايين ناس بكره يخطبونج ..
سحر بدون أهتمام : طيب ؟
أم راشد : ايه يعني بعد صلاة العشا تجهزي
سحر : وليش أتجهز يمه ؟ .. سواء شافوني أو لأ .. أنا ما راح أتزوج
أم راشد : مو مشكله .. بس على الاقل عشان ما تحرجيني قدام الحرمه .. فشله يعني تجييني واقولها بنتي ما تبي تشوفكم
سحر : إن شاء الله ..
رفا : على طاري تجيينا لا تنسـون بكره من الصبح بمر عليكم عشان المستشفـى
أم راشد : إن شاء الله ..
راح عندهم فيصل .. سلّـم عليهم و باس راس أم راشـد ..
أم راشد : وش تسوي هنا ؟
سحر جالسه تشـوف ايده اللي رايحه على البطاط : ولا شي خالتي بس جاي اسلم عليكم ..
سحر : تسلم علينا ولا تاكل بطاطنا ؟
فيصل باحراج : ههه ههه ههه الاثنين والله
~
{ المستشفــى / 00 : 8 صبـــاحاً )
وأخيــراً طلعــت رفـا من الغرفـه " أنــــا .... " .. ما كملت كلمتهـا .. ركضت لها أم راشـد .. تحظنهــا وهي تبجــي من الفــرح .. تلمهـا بقـوه .. مستانسه .. أخيــراً راح تصير جـده وتشـوف أول حفيد لها .. فرحتها كانت ما تنوصف ..
رفا : عقيــم ..
يتبع
منقول
الرئيسية 
التسجيل 
دخول 
السبت فبراير 16, 2008 1:30 pm