--------------------------------------------------------------------------------
طلعـوا من عنـده و وقف بملل يغير ملابسـه .. راحو عند السيـاره .. و هنا صارت المُشادات ..
روح : لا أنتي ركبي قدام
سحر : شنووو أنا .. شفيج أنتي ؟
روح : ما فيني شـي .. أنتي ركبي قلت لج !!
سحر : يا شـقول أستحي على ويهج تخيلي أحد يشوفنا .. يقولون أخته قاعده قدام و زوجته ورى !
روح باستنكار : لا تقوووولين زوجتـــــه
سحر : خلاص شغالته
ناظرتها بنظره على جنب : أنتي شغالته
سحر : يا صبر أيووب .. ركبي بسرعه ماني فاضيه لج
روح بانتقـام : بركب لكن بوريج هااا ؟ .. و قولي روح قالت !
سحر باستخفاف : يمـه خفت !
وصل راشـد و هو يناظر روح بتعجـب .. لا أكيد مو هـي .. ركب السيـاره و هو واقف .. وهم ينتظرونـه .. ألتف لها .. رفـع نقابها شـوي ..
راشد : أنتي منو ؟
نزلت النقاب : هييي .. منو يعني .. أنا روح ..
راشد بانصـدام : آآه !! .. شلون معالي المدام روح تتكرم و تقعد مع السايق قدام .. العاده تقعد ورى !
روح بغرور : بعد .. قلنا نتواضع شوي
راشد : وين تبون تروحون ؟
روح : نبي نروح نصور ..
راشد : مدري لو حلوين وش بتسوون !
روح التفت عنه : غيــــــران ..
راشـد فتح عينه : علــــى شنـــو !!
---
المصـــوّر : ..
[ الصـورة الأولى ] روح و سحـر واقفيـن .. لاصقيـن ظهرهم بظهر بعـض ..
[ الصـورة الثانيه ] روح جالسـه و سحـر مثبتـه ايدينها على كتفها
[ الصـورة الثالثه ] واقفـين على جهه حاطين الابهـام بـ جيب التنوره و منزلين راسهم ..
[ الصورة الرابعه ] متكورين بالارض .. و مايلين براسهم تجاه بعض
[ الصورة الخامسه ] صورة مُقرّبـه .. حاطين بوسطهم ورده و كل وحده ماسكـه ورقـه من أوراق الورده و مبتسميـن ابتسـامه تبين من خلالها اسنـانهـم
سحر : خـلاص .. تأخرنـا .. راشد ينتظر بـرى ..
روح : أوكـي يلا أنتي سبقيني أنا بوقف آخذ الصور ..
سحر : أوكـي ..
بعد ما أخذت روح الصور .. ركبت السيـاره .. أخذ من ايدها راشـد الصـور و ظـل يشوفهـم ..
راشـد : هــــــذي حلـــوه ..
سحر : أيهي ؟
راشد : الورده !
روح بغرور : شلون ما تطلع حلوه و أنا فيها ؟
راشد : اي مو هي لو كان النص الثاني اللي فيه أنتي مقطوع تصيـر أحلـى ..
---
فيصل : شـوف إن ما تكلمـت .. ترى كـف على عينـك الحين .. ما تخوفنـي مع هالكم عضله اللي عندك .. ترى عندي أكبر منهم
مشعل : روح كلك على بعضك عظام .. بس أسوي لك " هـف " .. تطيـر ! ..
فيصل رفع كم الثوب : جرّب
مشعل : أنت بديت !
فيصل : و اتحمـل ..
مشعـل : أوووووف .. لحظة .. شنو هذا اللي بيدك !! ..
ناظر ايده : شنو ؟
أستغل مشعل الفرصـه و مسك ايده ضغـط عليهـا و لفهـا على وراه .. بـ ركبـه .. رفسـه على ظهـره .. لفّـه تجاهه .. و بايدينـه رفعـه و حمـله على ظهره .. يعني صـار بطن فيصل علـى كتف مشعل .. و الباقي معلق !
فيصل : آآآآآآآآآآآآآآآآآآآآآآه .. نزلنـــــي
مشعل : ما أخوفك ها ..؟؟
فيصل : بس بس خلااااص !!
نزلـه بقـوه على الكرسـي .. و قرّب منـه : لا تتحـدى حبيبي !
فيـصل مسك إيد مشعل – مسوي فيها بطل – و ضغـط عليهـا بقـوه .. مسـكه مشعـل و ضغط عليه بأقوى .. بدأ يتعور بس ما قـال .. ما حسـوا إلا برفسـه قوية فكـت ايدينهـم ..
راشد : عيب .. عيب .. لا تستقوون على بعض
مشعـل راح لـه ضمـه : حبيبــــــــــــي أنت .. الحمد لله على سلامتــــــــك
راشد : الله يسلمـــك
مشعل : متى رجعت ؟ ..
راشد : اليوم الصبح
مشعل بصدمه : اليـوم الصبح .. وجاي هنـــا !! .. ليش ما نمت ؟
راشد بتعب : وهم يخلوني ؟؟ .. متفرغين يبون يصـورون
مشعل : هههههههههه مسوي فيها يعني المُهـم ؟ .. مو كأنك قبل كل يومين شارد من المدرسه تبي تروح تصور .. عاد لو فيك حلا قلنا مو مشكلـه .. المشكله جيكر .. الحمد لله والشكـر
راشد فاتح عينه : شوف هذا اللي ما يستحي .. مالت عليـك متعب نفسي و جاي لك .. ما تستاهل
مشعل يدفه من ظهره : ايه ايه عفيه .. يلا بـرى ..
---
عبد الرحمن : أنتم ليش كل اللي هنا حلويـن !
سحر : عشان سودان الوجه اللي مثلك يطالعونا
عبد الرحمن : واللي وجهه أبيض ؟ وش يسوي ؟
سحر : يسكت وما يتكلم !!
لمياء : هههههههههه حرام مسكين فشلتيـه
سحر : خخخ غريبه يعني ؟
شـروق تلتف لـ روح : إلا صـح .. أخبـار الزواج معـاج ؟ .. صرتي منا ؟
ابتسمت مجاملـةً وهي شوي وتذبحها : الحمد لله ..
سحر تغمز لها : وينها تغيرت عليهـا .. كل كلمة والثاني قالت راشد و راشد .. كأن مافي بالدنيا غير هالراشد .. مطيَـر عقلها هالراشـد ! ..
فتحـت عينها و هي تحس بقرف .. طبعا مريم ولمياء وساره اللي كانوا يعرفـون جلسـوا يضحكون .. ومسكينه هالشروق فارحه لها .. عبالها تتكلم جد ! ..
روح بخبث : ايه والله حتى سحـر .. ذابحتنا مشـ ....
داست على رجلهـا عشـان تنتبـه .. يا حظـي أنتي تكلميـن أختـــه !! ..
مريم : سمعوا سمعوا .. بقولكم وش صار لي قبل يوميـن ..
شـروق : نسمـعج ..
مريم : أقولك هذا قبل أمس أنا رحت السوبر ماركت .. المهـم تشـريت وخلصـت .. كانت ورايه وحده والله باين عليها هبله مدري ماهي بصاحيه .. المهـم .. دفعت فلـوس وبمثل الوقت هي حطت فلوسها .. ولما جت الموظفة تبي ترجع لي فلوسي بالغلط حطتهم فوق فلوسها .. أنا مـدري .. وما شفتها .. فـ أخذت فلوسي وفلوسهـا .. و كنت متأخره .. فـ مشيت بسـرعه ناحيـة البـاب عشـان أطلـع .. إلا أسمـع صوت صـراخ .. ما عطيتهم وجـه و مشيت أسـرع عشان ما أحصل لي تهزيء من أمي .. ما اشـوف إلا شـرطة ماسكيني .. ويقولون لي لا تهربيـن .. فتحـــت عيني و السعابيل ماليـه فمـي .. ومدري بالسـالفه .. إلا الأخت كانت تصارخ و تقـول لهم إني سارقه فلوسها !!
روح : ههههههههههههههه تكفيـــــن شلون كان شكلج وقتها ؟
مريم : سكتـي .. أدور وين المطافي .. والله طلع النقاب له فوائد عظيمه !
لمياء : والله هذا زين .. مره كنت في بيت جدتي .. والعايله كلها هناك .. المهم .. كنت لابسـه بنطلون ضيييييق ضيييق حيـل .. و وقتها كان بطني يألمنـي .. نزلت آخذ تلفوني لأنه طاح على الارض .. ما أسمـع الا يطلـع مني [ بيييييييييب ] .. أبيـــه أحتــرق وجهـي مدري شلون طلعت .. ولا شافوني وسكتوا .. ما ألتف عنهم إلا أسمعهـم ميتين من الضحـك .. إلا طلـع بنطلونـي أنشـق ! .. وقتها تمنيت الارض تبلعنـــــي !!
ساره : كااااااااااااااااااك فشـــــله والله
شروق : خخخخخ عيل سمعوا شلون تزوجت يوسف .. أقـولج مره كنت أنا و بنت خالي نتهاوش .. وقتها كان يوسف بالصاله مع مشعل على اساس انه قريب من مشعل حيل .. المهـم باب الصاله كان مفتوح لأن مشعل طلع شوي وبيرجع له .. ما حسيت إلا بـ دفه قـويه من بنت خالي من قوتها دخلت الصاله وطحت تحت رجله .. لأن الكرسي اللي كان قاعد عليه قريب من الباب .. عاد وقتها جليل الحيا يحليله مسكني و شالني من الأرض
مريم : ما أقدر أنـــــا على الرومنسيـــه !
سحر : يا عيني على الحركات بس !
لمياء تغمز : أمووت بالغرام أنــا !!
شروق و وجهها تصبغ أحمر : بس عــاد
عبد الرحمن : ليش ما باسج ؟
سحر : ههههههههههههههههههههههه عيييب !
شروق : ما كان فيه وقت والله
عبد الرحمن : آهــا
مريم : هههههههههههه لا تخربين الولد ..
بعـد وقت طويـل قضـوه من الضحـك .. و السوالف .. و الأكـل .. تأخر الوقت و صـار لازم يطلعـون ..
مريم : لا خلاص دلينا البيت كل يوم حنا عندك
شـروق : حياكم الله بس لا تكثرون
مريم : هههههههههههه قليله حيـا ..
سحر : يلا نشوفج على خيـر إن شاء الله .. سلمي على خالتي ..
شروق : إن شاء الله .. عاد لا تقطعونا استانسنا وياكم والله ..
روح : إن شـاء الله ..
أتجهـت سحـر أول وحـده تجـاه البـاب على اسـاس تلحق على راشد اللي واقف برى ينتظرهم .. مع لمستـها لـ المقبـض أنفتــح البـاب ..
" مشعـل " !
يتبع
منقول
الرئيسية 
التسجيل 
دخول 
السبت فبراير 16, 2008 1:19 pm