راشــد : أعذرنـي .. حــدودك يا يبــــه .. !
ألتفت له أبـوه و نـزل ايده منـه .. قال بصـراخ : أحتـرم نفسـك أنت الثـاني ..
راشد : فوق راســي مكانـك يا يبـه [ بابتسـامه ] لكن أحترم نفسـك أنت بعـد ..
بو راشـد أنصـدم .. أول مره يكلمه راشـد بهذا الاسلوب .. زاد قهره .. بـ صراخ قال : أيـــا اللي ما ربتـك أمــــــك [ رفــــــع أيــــده ] ..
مسـك إيـده و باسها باستفـزاز : حبيبـي أنت ..
روح من وراه تنـاظر و هي تعـض على اسنـانها .. بصـوت خفيـف : رشــوود .. كـــف الله يخليك ..
راشـد يكمل و هـو يمسـك الشنـاط و يتجـه لـ الطابق الفوقي : عموماً .. توقعت منك أو حتى من امي اللي واقفه تطالعني كلمـة الحمد لله على السـلامـه .. لكن طلـع الاستقبـال أروع بكثيـر ممـا توقعت
كلماته وقفتهـم كلهـم .. مـرّ عليهـم بسـرعه .. صعـد فوق .. و روح للحين واقفه .. ما همها الهدوء اللي صار .. ركضـت لـ سحر .. و لمتهـا بقـوة .. وحشتهـا حيل ! .. هالكم يوم اللي قضتهـم بعيد عنها تحسهم سنيـن ..
سحـر ما كانت تبـي روح تكون موجوده .. ما حبت تشوفها بهذا الموقف .. لكنها ما بيـنت .. أشـرت لها على أمها عشان تسـلم عليها لأن الأخت باين عليها نست .. راحت لها وسلمت عليها .. و مسكت ايد سحـر و دخلت غرفتهــا .. أول ما دخلت ابتسمت .. تذكرت الوقت اللي قضته مع سحر بهاذي الغرفـه .. تذكرت وقت ما دخلتها مكسوره ! .. وقت ما دخلتها حزينه .. متعذبه .. وقت ما دخلـتها بنت عـاديه .. و طلعـت منها متـزوجه .. وقت ما دخلتها مكسوره الخاطر .. و طلعت منها متقبله الواقع ..
عيونها مليـانه شــــوق .. واقفـه تأشـر : هنـــا .. تقاسمتي خزانتـج .. و وسعتي مكان لـ ملابسي .. [ تأشر على السرير ] .. هذا تركتيـه .. تركتيــــه .. وخليتيـه لي .. هذا هجرتيـه .. و أهديتيني إيـاه .. [ أشـرت على المسجل ] .. تذكرين ؟ .. تذكرين لما كنا نتهاوش عليـه ؟ .. تذكريـن لما كنتي تكسرين أشرطتي لما تشوفيني أشغل اغاني بالمسجل ؟ .. تذكرين لما كنت اعصب عليج و أكسر أشرطة المحاضرات فـ تجيينـي ناصحـه .. مبتسـمه بدل ما تكونين معصبـه .. تلومينـي بـ مدح .. وتعاتبيني بـ مجامله .. و أخرهــا .. تسيّليـن دموعي بـ كلمـة تذكيـر وحده ! ..
[ أشـرت على الشبـاك ] و هنـــا .. كنا أنا والبنت نوقف .. نأشـر لـ مشعل .. نحاول نجذب انتباهه .. و مثل كل مره كلامـج ( مراهقات ) .. و بعدها صدفـة إنا ألتقينـا بـ مثل المحل ! ..
[ أشرت على المرايـه ] تذكرين هنا ؟ .. لما كنت أنام بـ بيتكم أيام المدارس كنا نتهاوش عليها .. اللي تروح لها أسـرع !! ..
[ أشـرت على الورود ] و هنـــا ....
قاطعتهـا سحر و هي تمسـك إيدينهـا وتشوفهـم : و هنــــا .. مكـــــامِــنُ الطُهـــــرِ فُجــِــــرت !
----
شروق : ايه خالتي .. ؟ .. لا لا قولي لهـم كلهـم يجوون .. حتى روح .. اي .. اي .. خير ان شاء الله .. سلمي عليهـم .. يلا خالتي .. مع السـلامه ..
يوسف : تكلمين منو ؟
شروق : هذي أم راشـد .. أعزمها ..
يوسف و هو يوقف : ناقصكم شي ؟
شروق : على وين ؟
يوسف : بروح الشغـل ..
شـروق فاتحه عينها : بـــدري
يوسف : يا شيخه بروح أشوف هالمشعل هذا .. حالته حاله
شـروق برجا : ايه تكفـى والله .. صاير ما يطيق حتى يكلمني و أنا أقرب الناس له .. تكفـى كلمـه .. وين ضحكه اللي كان يهـز المكان ؟ ..
يوسف : لا إن شاء الله .. يرجع مثل قبل و أحسن .. توصين بشي ؟
شروق : سلامـتك .. دق علي أول ما توصل ..
يوسف و هـو طالع : إن شاء الله ..
----
مسك إيدهـا : على وين ؟
روح بدون نفس : بنزل تحت
راشد : الله !! .. ما صار لج 10 دقايق من رجعتي .. مو تعبانه ؟
روح : أي تعب ؟ .. طول الوقت كنت نايمه بالطياره .. شبعت نوم !
راشد : شفتيهم يعني و نسيتيني ؟
روح : يـــــــس ..
راشد : آهـا .. شكـرا
روح : العفو .. أي طلب ثاني ؟
راشد لاف وجهه : روح .. تكفيـن لو بس هاليومين .. حاولي تغيرين المعامله على الاقل قدام اهلي بس .. مابيهم يحسون بشـي .. راح يحسبوني مضايقـج .. و أنا أبـد مو كذا قصـدي .. أنتي على راسـي و عيني من فـوق
كسـر خاطرها و هـو يتكلـم .. حسـت فيه يداريهـا .. و هـي للحين مو قادره تبلعه .. حست نفسها ظالمـه .. لكن هو سبب هالظلـم .. شكلـه يقطـع القلب و هـو يتكلم .. و كأنه يستأذن منها .. ردت عليه بعيون بريئـه : أنـ .....
راشـد : يعني خفي عليهم شـوي .. قبل كل شي انتي متربيـه وتعرفين الصح .. وتدرين إن عيب .. يعني والله عيب تروحين تقولين لهـم إنج تموتين فيني .. خليه سر بينا ..
ناظرتـه بقهر و هي متحسفه على كل كلمـه قالتها بداخلها : أففففففف .. تجيــــــــــب المـــرض تدري ؟
راشد : أدري بشنو ؟ .. إنج تموتين فيني مثلا ؟
روح بقهـر : لا إني خاطري أذبحـك .. وخـــــر ايدك
راشد يناظره ايده : أووه انا يدي هنا ؟
بنظره على جهه : أيه شدراك .. ماخذ على الوضع زيـادة عن اللزوم
راشد : والله عاد كيفي .. زوجتي و تموت فيني .. حرام ؟
روح شوي وتبجي : بس عــــــــاد !
راشد لما شافها كذا : بس بس خلااص .. بسكت .. كل شي ولا البجي .. تخلين الحين سحر تصير لنا سوبر مان و تجينا فوق ..
روح : أعـذرني .. حدودك يا يبــــــه !
راشد : ههههههههههههههه تستخفين بدمج حضرتج ؟
قالت بعتـاب : بعدين تعال .. صار لي ساعه وراك أقـول لك كف كف .. و أنت مطنشني ؟
راشد : شنو يعني تبين كـف ؟ [ قرّب منها ] رخيصه و الطلب غالي ..
بعّـدت عنـه : لااااااا .. وخـر .. مو أنـا .. أقصـد لك أبـوك يا عبقـري
فتـح عينه دليـل إنهـا خطـأت .. خافت شـوي لمـا قرّب و في عيونـه نظـرات حـاده .. أمسـك ايدها بقـوة
راشد : هذي آخر مره أسمح لج تتكلمين عن ابوي بهذي الطريقـه .. فاهمـه ؟ .. [ بصـراخ ] ولا تقعـدين تقولين لي كف كف كأنـج بـ روضـه .. اذا انتي ياهل أنـــــــا لا .. عدلي اسلوبج .. و تكلمي عدل .. وهالمره قولي بوكس بوكس
روح كانت متخرعه من اسلـوبه لكـن لما قال " بوكس .. بوكس " .. أنفجرت من الضحـك .. ما توقعت هذي نهايتها
راشد فاتح عينه : أووووب .. أنتـي تعرفيـن تضحكيـن بعــد ؟
روح لفـت عنه : ما يدخلك .. ثقيــــــل
راشد : و منو اللي يزيد ثقـاله عن الثقيل ؟ .. السخيف اللي يضحك عليـه
قالت بصدمه : تقصـد إن أنا سخيفـــه !
راشد و هـو ينسـدح على السـرير : أيـه
حذفـته بالمخـده و قالت بقهر : أحتـــرم نفسـك عاد ..
راشـد يعدل بشعره : جك جك جك .. خربتي شعري الحرير
طالعتـه بذهول لثقته الزايده : تكفـــــــــــــى عــــــاد .. مو كأنـي أمــس شايفـــه قملــه تمشـــي على السرير
راشد بخبث : و أنتي شدراج بالقمله اللي تمشي على السـرير ؟ ..
بلعت ريقهـا : ها؟
راشد : كــل هذا و تنكـــــر .. خلصينــــا يبــه و قـولي إنـج تموتين فينـــي ..
روح باستنكار : لااااا .. كنت أكـذب .. ما شفــت شـــــــــي
راشد وهو يتغطـى : لا تحــــاولين خلاص كشفتـج .. أول شي تموت فيني .. و الحين شايفه حتى القمله اللي على السرير طبعا هذا لأنها ما تنام قبل ما تطـل علي و تشـوفني إن كنت نايم أو لأ .. مدري بكره بعد وش بتسوي !!
روح تضغط على اسنانها : لاااا .. لاااا .. !
راشد : شنو الحين قاعده تغنين يعني ولا ؟
----
مريم : شوفي سـارو .. لا تفشلينا قدام الله و خلقه .. تبين تجيين معانا .. شعـرك !
ساره بنبـره قريبه من البكاء : حرااام عليكــم عذبتوني .. والله كـل أسبـوع أغسـله !
مريم : اييييف .. يا قــــرف أنتي !! .. روحي أغسلي شعرك .. بعـد ساعه أنا عنـدك !
فتحت عينهـا : لو تمـوتين قدامي ما أسـويها .. أمــس غسلتـــــه !
مريم : وين المشكلـه يا حظي ؟ .. روحي أحسن لك ترى والله مالي نفس
ساره بملل : أففففففففف .. انـزين
مريم : كلمتـي لميـاء .. وقلتي لها تسبقنـا لـ بيت شـروق عشان العزيمه ؟
ساره تناظر الساعه : ايـه قلت لهـا .. وقالت لي يمكن بعـد نص ساعه هي هناك .. وقالت لنا نعجل ما تبي تقعد بروحها .. لأن سحر و روح بيجون بعـدها ..
مريم : طيب .. عجلي الله يخليك .. أنا ما بقـى لي شـي
ساره : آآها .. اجل ما بغسل شعري ..
مريم : ما تغسلينـه يعني مافي حفله
ساره بقهر : أففففففف زيييين ..!!
----
سحر تناظر التنوره : ألبس هذي ولا الجينز ؟
مسكتها من عندها وحذفتها على السرير : أنتي هييي كلمينـــي !!
سحر : شنو ؟
روح باستنكار : وش سالفه الخطبه ؟
سحر : شنو وش سالفتها ؟
روح : من جد وافقتي .. ولا جالسه تمزحين معـاي ؟ .. ترى والله ما فيني .. كفايه اخوج رافع لي ضغطي !
رفعت حاجب : شايفتني ياهل عندج عشان أمـزح معاج ؟ .. أكيـد جد !
فتحت عينهـا : سحــــــــر !!
ابتسـمت لها ابتسـامه غير مُريحـه : ما يتفـوت !
قعدت على الكرسي : ما اصــــدق !
سحر : و ليش بالله ؟
روح : على المواصفات اللي سمعتها .. أنتي ما تحبين هالنوعيه .. شنو اللي غير رايج ؟
سحر : تصدقين عاد ؟ .. مدري ليش هذا عجبنـي ..
سحبت ايدها : ما راح تكذبين علي فاهمه ؟ .. قولي لي .. الموضوع فيه شـي ! .. انتي تخططين لشي ؟
سحر : روحو يا شـقول .. تأخرنا على البنت أففف .. يلا عاد خلصينا .. اذا رجعنا يصير خير .. ما قلتي لي شنو ألبس .. أي تنوره ؟ ..
روح ناظرتها بنظره على جنب : التنوره الجينز ..
سحر : أنتي شنو راح تلبسيـن ؟
روح : آآه .. شرايج ألبس مثلج ؟
سحر ابتسمــت : أوووكـي ..
خلصــوا من التعـدّل .. شكل سحر كان أحسـن من روح .. لأن روح وجهها ظاهر عليـه علامات التعب ..
وقفـت سحـر قدام المـرايـه .. أحتـاج شـي زيـاده ؟ ..
لبسـت تنـوره جينـز قصيـره .. و جاكيت جينز قصيـر تحته بادي أسود .. الملابس كانت محدده جسمها بالتفصيـل .. مما زاد جماله عليها .. لبست معاه بـوت طـويل أسود .. و خلت شعرها مفتـوح و رفعت الأطراف بس .. و ثبتتهـم .. بـ أكسسوار للشعر ناعـم لونه أسـود .. حددت عينها بـ كحل غامق .. و كثفـت رموشها بـ ماسكرا .. أما خدودها .. فـ حطت لها بلاشـر خفيـف .. و لمعـت شفايفها بقلوز وردي .. كانت معالم وجهها ناعمـه مع المكيـاج الخفيـف .. خصوصا مع بشرتها البيضـه الصـافيه .. و خدودهـا الحمـره .. صاير شكلهـا بريء ! .. بمـا عدا جهة العين طبعـاً .. كان لازم يشـوفها المعرس و هي بهالصـوره .. على طـول يهـوّن من عيونها .. و يوافق من شكلهـا ! ..
أمـا روح .. فـ كانت مثل الملابس .. الفـرق .. إنها ما استخدمت كحل .. أكتفت بـ الماسكرا و البلاشر .. و شعرها القصير كان مفتـوح بدايتـه سترييت .. و على نهايته بالاطراف كيرلي ..
روح : سحــوووور .. و الله عجيــب .. شرايج نروح نصـور ؟
سحر ناظرتها : شنو نصور ؟ .. راح نتأخر
روح سحبتها : لا يلا عاااد تكفيـــن ..
سحر : أففف أنزين .. قولي لـ ريلج اذا يرضـى ..
روح : ويييع لا تقولين ريلي !!
ناظرتها باحباط : انزين قولي لسواقج اذا يرضى
ابتسمت : كذا أوكي .. بس ما بروح أقوله .. ما فيني على مذلته .. روحي قولي أنتي
سحر : أففف مدري متى راح تتسنعون أنتي وياه
راحت له فوق الغرفـه .. دقت الباب شافته منسدح و للحين فاتح عينه .. كحت شـوي و هي متفشله تطلب منه و روح واقفـه برى تطل عليهم ..
سحر : أحــم .. أخ راشد ؟
راشد فاتح عين وحده : خير ؟
سحر : ممكن تتكرم و تقـوم من مكانـك .. وتسوق سيارتك
راشد : ويييين بعـــــد !!! .. حرام عليكم من رجعت ما ارتحت !
روح تصارخ و هي برى : بــــــلا دلـع
راشد بصوت عالي : أنتـــــــي سكتـــــــي
سحر : مالي خلقكم .. و أنت يلا قوم نبي نروح ..
راشد يناظرها : بتروحين كذا ؟
سحر : لا شدعوه بغطي عيني .. تبيني أطلع بكل هالكحل ؟ ..
روح تصارخ : انا مااني مغطيـــــه شـــي
راشد بصوت عالي : أجــل ما تركبيـــن بسيااارتي
سحر باحباط : بعدين تهاوشوا على كيفكم .. بس الحين خلصـوني عاد .. البنت تنتظرنــــــا !
راشد حذف عليها مفتاح السياره : فتحوا السياره و أنا لاحقكم ..
سحر مسكت المفتاح : أوكــي ..
يتبع
منقول
الرئيسية 
التسجيل 
دخول 
السبت فبراير 16, 2008 1:18 pm